tirsdag 31. mai 2016

Elgstroganoff

Me er heldige og får elgkjøtt hos svigerfar. Og sist gong me hadde middagsbesøk laga eg stroganoff gryte. Denne gryta er både gluten og laktosefri. 

Til 8 porsjonar trenger du:
800 gram innerlår/flatbiff
3 løk
ca 24 sjampinjongar
3 røde paprika
800 gr gulrot
3 boksa opphakka tomat
3 fedd kvitløk
2 ts grovmalt pepper
2 terninga kjøttbuljong
1 liter vatn
ca 4 ss maisenna til å jevne sausen
3 boksar lettrømme, laktosefri

Strimle kjøttet i 1,5*1.5 cm store terningar.
Steik kjøttet i smør på høg varme til det blir steikeskope. Ha kjøttet over i ei stor gryte
Skjær opp løk, sjampinjong og paprika. Steik i smør i fleire omgongar og ha oppi gryta samen med kjøttet. 
Ha opphakka tomater, kvitløk, gulrot i terningar, buljong, pepper og vatn oppi gryta.
La det stå og trekke i ca 30 minutt
Jevn sausen med maisenna og tilsett rømmen.

Server gryta med "boil in bag" ris. Eg reknar ein pose til 2 personar. 
Enjoy!

søndag 22. mai 2016

17.mai kake

 17. mai er over for denne gong, flagg og 17.mai leker er pakka bort, og igjen er minnene etter ein fin dag i fint vær. 

Eg laga 17. mai kake i bake it-easy kakeforma. Eg laga kaka basert på denne oppskrifta. Men laga min egen variant. 

Visp 4 egg og 1,25 dl sukker til eggedosis.
Bland 1,75 dl mjøl og 1 ts bakepulver og vend inn. 

Fyll røra i smurt form (24 cm). Steik kaka nederst i ovnen på 170 grader i 40 minutt.
Åpne døra til steikeovnen, ta av varmen og la døra stå på innerste hakk. Ta ut kaka etter ca 20 minutt. 
Avkjøl kaka på rist. 

Pisk 3 dl fløyte til krem. Bland kremen med 1 boks vaniljekesam (3dl).

Legg 2 plater gelatin i kaldt vatn i 5 minutt. Klem vatnet ut av platene og smelt i 1 ss kokande vatn. Avkjøl litt. Rør gelatin inn i krem og kesam blandinga.
Ha blandinga oppå kaka
La kaka stå ca 30 minutt før du pynte med bær.
Ha kaka kaldt (kjøleskap) i ca 4 tima, eller meir før servering (eg laga kaka 16.mai og pynta den).
Håpe du hadde ein fin 17.mai

tirsdag 10. mai 2016

Saftig gluten og laktosefri gulrotkake

Gulrot kaka er ein av mine favorittar (etter sjokoladekake), og denne syns eg ble ekstra god og saftig, tiltross for at den er glutenfri. 

Rør 3 egg og 3 dl sukker til eggedosis. 
Tilsett 1,5 dl olje.
 Bland samen 3 dl fin glutenfri melblanding, 1,5 ts kanel, 1,5 dl natron og 1,5 ts vaniljesukker. 
Rør inn det tørre i eggedosisblandinga. 

Rasp 3 store gulrøtter og 1 eple (uten skall). 
Tilsett dette. 

Ha røra oppi ei smurt 24 cm smurt kakeform. strø over 2 ss rosiner, og trykk litt nedi.  
Steik kaka på nederste rille i 1 time på 175 grader. 

Fyll:
bland samen 1 boks laktosefri philadelphia, 1 ts sitronsaft og 4-5 ss melis. 

Ha fyllet oppå kaka. Kaka kan frysast med og uten fyll. 

Håper du og syns kaka blir god:)

mandag 2. mai 2016

Kvikk lunch kake (laktosefri)

Eg har funne fram noken gamle oppskrifter, og blant dei fant eg oppskrifta på denne kaka som er både god og enkel å lage. Eg kjenner ikkje til sammenhengen mellom kaka og navnet, men har sett at Freia  har ei lignande kake som dei pynta med kvikk lunsj rundt kanten.  

Til ei langpanne trenge du dette:
5 egg
4 koppa sukker
450 gram smør uten melk
4 ts kakao
2 ts vaniljesukker
3 koppa laktosefri melk
4 ts bakepulver
8 koppa mjøl

Rør egg og sukker til eggedosis
Smelt smøret, tilsett melka og avkjøl litt
Bland vekselvis det tørre og det våte

Steik i 50 minutt på 180 grader.

Eg laga to små kakaer (20+24 cm) og då brukte eg ca 70% av oppskrifta

Glasur
200 gram melis
150 gram smør uten melk
1,5 ss kakao
2 ts vaniljesukker

Rør rom temperert smør og melis kvit, bland inn resten av ingrediensene. 
Ha fyllet oppå kaka når den er avkjølt. 

Her i huset blei kaka så populær, at eg har fått bestilling på ei langpanne kake til sommaravslutningen i barnehagen:)